• FACE of HONG KONG

唐安麒欣賞姜濤講嘢有深度 王敏德大女將嫁攝影師女友

都市日報

2021年5月28日 星期五

唐安麒欣賞姜濤講嘢有深度 王敏德大女將嫁攝影師女友

唐安麒博士、王敏德(Michael)與太太馬詩慧(Janet)、歐陽妙芝等,出席「2021亞洲模特盛典香港賽區暨ACE演藝大獎」記者會,身為首席評審的唐安麒博士,曾將林志玲打造成「台灣第一名模」,獨具慧眼。她大讚MIRROR人氣王姜濤:「我好欣賞呢個小朋友,睇到佢嘅報道,覺得佢好得體,情商非常高,講嘢有深度又真心。」所以希望找姜濤代言。

身為星級評審的Janet透露與兩個女兒均勤做瑜伽保持美好身材,其大女王曼喜和攝影師女友Elaine拍拖多年,非常甜蜜,Elaine更於去年9月向曼喜求婚。J


anet說:「大女就結婚,好似出年9月,一來要睇疫情,二來佢哋喺美國做呢件事,重要日子應該全家都出席。」Michael對女兒出嫁,十分不捨,一想起便眼濕濕。Janet又透露兩女兒及細仔將到美國生活:「小朋友都想去美國多啲,加州嘅陽光海灘邊個唔鍾意?」Janet與Michael將兩邊飛,Michael坦言熱愛拍戲:「我唔會退休住,有得玩直升機、曬太陽就得,不過唔可以stay喺美國太耐,香港好方便,一諗起美國塞車就好掛住香港。」