• FACE of HONG KONG

王敏德嫁女恨抱孫

王敏德嫁女恨抱孫

蘋果日報 2021.05.29

王敏德(Michael)與太太馬詩慧(Janet)、歐陽妙芝等昨日在西九出席模特兒大賽活動。Janet指細女王麗嘉很喜歡當模特兒,又透露會為大女曼喜的婚禮視察場地,Janet說:「𠵱家應該會定明年9月喺美國結婚,咁大件事我哋當然要去。」Michael也坦言十分不捨,一想起女兒出嫁便眼濕濕,他們又透露兩女兒及細仔將到美國生活,Janet說:「佢哋未必會stay喺香港,好大機會喺美國生活,加州嘅陽光海灘邊個唔鍾意?」不過Janet未必隨子女到當地,她與Michael將兩邊飛,皆因Michael熱愛拍戲。Michael透露已有半年沒戲拍:「我唔會退休住,有得玩直升機、曬太陽就得,不過唔可以stay喺美國太耐,香港好方便。」問到若兩個女兒生B,會考慮到美國湊孫嗎?Janet笑說:「生得出都九個月之後,有九個月時間諗。」Michael一想到湊孫便說:「係就好開心。」