• FACE of HONG KONG

王曼喜提前通知全家婚訊 馬詩慧:見到佢哋兩個好開心

香港01 即時娛樂 2020-09-07 01:34

王曼喜提前通知全家婚訊 馬詩慧:見到佢哋兩個好開心

《 亞洲模特盛典Face of Hong Kong 2020香港區決賽 》周日(6/9)圓滿結束,由林志恆和黃海怡榮獲冠軍,曾參加《全民造星II》的陳勇龍則奪得最上鏡大獎,名模馬詩慧(Janet)為評判團之一。

Janet於比賽完結後接受《香港01》訪問,談及大女王曼喜(Kayla)與女友Elaine宣布訂婚一事,她透露Kayla公開婚訊前一日已經通知全家,「事前唔知,又唔會好突然。因為有一日Kayla返嚟呢,佢就話有嘢要宣布,咁當然聽到呢句說話嘅時候,你就會知道有啲玄機話你聽,你一係就結婚一係就大肚,是但一樣㗎啫!End up(最後)就話,我哋訂婚。(公開之前就已經知道訂婚?)係啦!佢同我哋講,第二日就Po咗相出去。(成家人面前講?)係呀!(Michael開心?)梗係!我哋又唔會覺得係好surprised(驚訝)嘅一件事,你見到佢地兩個人好開心,好舒適嘅時候,話畀你聽,我哋訂婚啦,一啲都唔覺得surprised。除非兩個成日都嗌交,訂婚就好驚啦係咪。(兩人從未嗌過交?)有冇唔知啦!因為我哋唔係一齊住。但你從好多地方都見到好sweet sweet嘅兩個人嘅時候,即係覺得呢件事嚟得好自然。(覺得Elanie份人如何?)好nice好有愛心。佢好愛動物,呢樣好重要。」

她又直言自己未見過親家,待疫情完結後才會有慶祝活動。