• FACE of HONG KONG

王曼喜明年美國大搞同性婚禮

明報

2021年5月29日 星期六

王曼喜明年美國大搞同性婚禮

型男王敏德與名模馬詩慧的大女王曼喜,去年9月宣布與女友Elaine訂婚,昨日兩公婆現身活動時,率先爆大女將於明年9月在美國舉行婚禮,稍後很大機會移居當地。講到抱孫,2人難掩興奮之情,馬詩慧揚言支持王曼喜借種生B,女兒或其另一半佗B也沒所謂,就連女兒另一半如何稱呼她與老公,亦抱開放態度,認真廿四孝媽咪。


2014年宣布出櫃的王曼喜,去年9月於社交網宣布與拍拖逾1年的同性攝影師Elaine婚訊,全家上下大表支持,此後她頻頻在社交網晒幸福,分享與另一半的甜蜜時光。昨日曼喜父母王敏德(Michael)與馬詩慧(Janet)出席模特兒大賽記者會時,正式宣布女兒婚期。


王敏德預告爆喊

Janet透露女兒要考慮很多因素:「好似係出年9月,一來睇疫情,二來佢哋喺美國做呢件事,重要日子應該全家都出席。(細女王麗嘉喺美國,會幫手睇場地?)好似有提過,但大女心目中有幾個地方。」而Michael坦言女兒他日出嫁,必定不捨流淚,即使現在幻想也會眼濕濕。問到曼喜婚後會否留港生活?Janet表示暫未有定案,但預料3子女移居美國的機會較大,老公亦有意跟隨,反而她不捨得香港。


再問若女兒有小朋友,會否飛當地湊孫?她笑言:「到時先算,就算有咗都係9個月之後嘅事,慢慢畀我諗吓。」至於Michael聽到抱孫即興奮地說:「係就開心喇!」已有半年冇工開的他笑言很想拍戲,不會退休:「只要有地方畀我玩直升機、曬太陽就OK,喺外國都唔可以逗留太耐,因為香港太方便,會掛住。」問到會否叫兩個女兒參加是次比賽?Janet說:「唔會,細女想做Model,佢都有做嘅,只係香港市場細,做咗唔係好覺。(佢係咪忙拍拖?)佢返咗美國處理私人事。(結婚?)唔係,結婚會通知大家。」


馬詩慧:一開始唔接受

曾花了一段時間才接受同性婚姻的Janet,對於曼喜真正步入人生另一階段當然開心,之後她接受電話訪問,直言老公接受能力比她高:「一開始係我自己最唔接受,老公呢方面開放過我,佢只係對其他嘢執着,唔鍾意啲女太暴露,我都係突然有一日諗通咗。」談到女兒生育問題,問到可會接受2人借精子?Janet開通地說:「佢哋自己安排,我點都支持。(兩個一齊佗B?)又未講呢啲住,等佢哋自己選擇,就算兩個佗都會接受。(咁Elaine點稱呼你哋?外父外母定老爺奶奶?)叫名就得,咩都唔使叫,咩身份都得,其實某啲位我唔當自己係中國人,個女開心就得。」