• FACE of HONG KONG

鄧月平做評判遇「小鮮肉」流晒口水 李昭南爆:直情跳咗出張檯

Updated: Aug 1, 2020

鄧月平做評判遇「小鮮肉」流晒口水 李昭南爆:直情跳咗出張檯

即時娛樂 撰文:林迅景

2020-07-20 00:30

最後更新日期:2020-07-20 02:41


ViuTV藝人及歌手李昭南(Mishy)夥拍模特兒黃浚誠(Adrian)承辦亞洲模特盛典(Asia Model Festival) 香港賽區比賽,並邀請了鄧月平(Larine)做評判嘉賓,於早前舉行了初賽面試活動,挑選有潛質的模特兒。 李昭南(Mishy)被問道:「如果妳去參賽會唔會入圍?」她笑說:「直頭入唔到圍。因為我係行才華路線,同埋Fashion Model個胸唔可以太大,哈哈哈!」

大會評判,(左起)鄭麗莎、李昭南和鄧月平。


是次活動還吸引了不少有潛質的參加者,例如有《全民造星》參賽者趙敬賢(酒粒仔)、《全民造星II》參賽者李展程(Joanthan),「香港小姐2020」第二輪面試的佳麗蔡少蝶及前TVB藝人黃得生(Dickson)等等。

主辦人李昭南(Mishy)和黃浚誠。


李昭南(Mishy)接受《香港01》訪問時,說:「今屆質素都幾參差,靚仔靚女都唔少。其實好得意,靚嘅參加者好多都係素人,仲有啲Youtuber都嚟咗,不過真人就同上鏡有啲出入,今次可以話係素人完勝。」

鄧月平做韓模比賽評判遇「小鮮肉」,睇到流晒口水。


她亦爆料,評判之一的鄧月平(lllarine)被「小鮮肉」參賽者迷倒了。她說:「平姐睇『小鮮肉』睇到流晒口水!我哋有個環節係要參加者行Catwalk,到其中有一個『小鮮肉』嘅時候,平姐直情跳咗出張評判檯,撓住個『小鮮肉』帶佢行。」

李昭南(Mishy)也是評判之一。(IG@mishyfish)


星月娛樂傳奇文化有限公司創辦人兼行政總裁李昭南(Mishy)就表示,面試後已選出了22位參加者,他們將會舉行一連串模特兒訓練以及運動。她說:「22個人入面我哋會揀一男一女代表香港出戰韓國主辦嘅Asia Model Festival。個比賽會有80個來自30個國家地區嘅人參加。」